Tin, Pilatan a hnenah, “Chu, lal i ni elo?” a ti a. Isuan, “Ni e, lal ka ni asin. Thutak hriattir hi ka pian chhan leh khawvela ka rawn kal chhan a ni. Tupawh thutaka mi apiangin ka thu an pawm thin,” a ti a. Pilatan a hnenah, “Thutak engnge ni?” a ti a (Johana 18:37,38)
Isuan a hnenah, “Keimah hi kawng leh thutak leh nunna ka ni; keimaha kal lo chu tumah Pa hnenah an thleng ngai lo…..” a ti a(Johana 14:6)
Khawvel ah hian sakhua(religion) tam tak awmin zirtirna in anglo tak tak ni hlawm mahse mihring nun a inkaihruaina tha neih duhna avanga lo piang vek an ni hlawm. Eng sakhaw rinna pawh hi zawm ila lei malsawmna dawn theihna khawp thatna nei vek anni a tih theih awm e. Pathianin khawvel hi chhandam lo mahse thil tha tih duhna te, hmasawn duhna te, rinawm duhna te hi hnam tinah a awm vek tho in a rinawm. Israel fa te a bika Pathian enkawl annih lai pawhin Gentile te ah khan nun kawnga inzirtirna tha tak tak an nei vek tho a nih kha. A hausa zawk te anni a, finna kawngah pawh a hre ril ber ber te anni bawk a, thil ti thei leh chak zawk Pathian tello a hneh theihloh te anni hlawm a ni, mahsela an hnenah Thutak (Pathian)in a chenchilh ve hauh chuang si lo.
Lal Isuan roreltu Pilata hnenah “Thutak hriattir hi ka pian chhan leh khawvela ka rawn kal chhan a ni” a tih khan Pila chuan mak a ti em em a ni. ‘The Passion of The Christ’ movie kan en chuan Pilata khan a hriatthiamloh avangin “Claudia, Thutak chu engnge ni, an sawi lai i hre tawh em?” tiin a nupui a zawt a ni.Thutaka mi a pian loh chuan tumahin Pa hmel an hmu dawn lo a ni tih Lal Isuan chiang takin min hrilh bawk a.
Thian fel tak tak te kan nei a, an nun a mawiin an hna ah rinawm leh thahnem ngai taka thawkin malsawmna te pawh an dawng ngeia amaherawh chu Pathian lam thu ah an ngawngin Isua min tlanna reng sawi tur hre si lo hi a awm ve theih chawk a ni, Thutakah an la piang lo tihna a ni. Ngaihsan pawh an hlawha, entawn pawh an hlawh em em ang. Amaherawh chu mihring nunah hian engnge awh awm lai ber kan thliar thiam hi a tul a ni. Footballer hmingthang Ricardo Izecson dos Santos Leite (Kaka) chuan “Miten ka thih hnua ka chanchin an sawiin Football thiam tak a ni min tih aiin Isua ringtu a ni min ti se ka duh ber a ni” a ti a ni. Thutaka awmlo hian mi ngaiha fel tak, sawisel kai lo mi hi a nih theih tho a ni, mahse chu chu he khawvela Lal Isua rawn pian chhan kha a ni mawlh si lo. Thatna te, felna te leh dikna te chu Lal Isua kawng lo ah pawh hian sawi tur a tam ang mahse Pa hnen thlen theihna chu Lal Isua chauh hi a ni.
Pathian Rorelna hmaah chuan thil tha tih sawi tur nei tam tak an la ding ang, nimahsela chung felnaah te chuan Pathian a lungawi zawh tawh loh avangin leh Isua avang chauha thiam chang tur kan nih avangin “Mi te hmaa mi tan apiang ka Pa van ami hmaah ka tan ve ang” tiin ama kawng chu Thutak kawng awm chhun a ni tih min hrilh a ni. Lal Isua kawng chu tuarna in a in tan a, a let tam tak malsawmna leh thlamuanna in a tawp a khar thin. Kan tu kan fa te kawng tha kan kawhhmuhnaah hian Thutak hi i zirtir tel ang u, Isua tello a an tlei theih hunah chuan zirtirna dik (Isua tuarna) kawngah an beng an chhungawng tlat tawh anga an ngaitheiloh hun a thleng ang tih a hlauhawm a ni.
Chhandam ni tura kawng awm chhun chu Lal Isua chauh hi ani! A va ropui em!
ReplyDeletePi Maisek, he thu (thutak) hian vawi tam tak ka thinlung vawi tam tak aluah fo thin a sin. Mifel tak tak, eligible tak tak, kei phei chuan tehna hrang hrang atang pawha k tluk loh tur tih ka phat rualloh mi hi ka awt thin. mahse famkimlo pakhat an nunah ka hmuh chu Pathian ngaihsakna reng reng neilo mifel anni thei tlat a ni.
ReplyDeleteFamkim turin ka mihring pui mifel te hi ka phut rual annilo, mahse an thatna zawng zawng ai chuan an hmaih pakhat Thutak kawng (Lal Isua) hi ka ui zawk a ni. I hrethiam em? Lal Isua hre lo hian fel takin hmuhtheih maiah chuan a nun ve theih fo asin.