Mipa naupang tih takah kan harh thin khawp mai. Ka lung ti leng tu deuh deuh, kan infiamna te leh hriat chhuah fo te chu
(1) Inpuak-sut: naupan zual lai (pawl 3 vel kal lai) chuan Inpuak-sut hi kan hrat em em maia, hmaiah ngei mai intlawh sak kan tum ber thin. Vawikhat chu ka thianpa kan miss fapa min paw tu hi mit duk vek khawpin an tlawha, a nu in a hauh hrep hnu ah a tukah phuba laknan tiin min paw tha leh ngat. Luhlul ve tak chu kan ni, Uniform a bal thei khawp mai
(2) Thawmhnaw in hawnsak: Lui kal a tui chen hi kan hrat em em maia, a cheng rei fal deuh kha chu an thawmhnaw hawnsak daih kha kan ching thin. Vawikhat chu ka thianpa nen hian kan lo cheng rei deuh a kan kekawr hi an lo hawn daih maia, kan thinrim viau a mahse tih ngaihna a awm tawh silo, kawr bantlawn ka lo ha hlauha, ka thianpa in T-shirt banbul a ha thunga. Kan kawr chu a ban ah ke rawlhin a kawngah kan bawka, thawmhnaw chhe duh khawp mai. Kawr ha lo in veng chhung kan han lut chho mai chu min min en duhin zahthlak duh tak a ni. In kan thlenga kan thawmhnaw chu chhungte hnenah kan theihnghilh anga sawiin an lo dah fel then zel.
(3) Nula rim naa in haw san: Vawikhat chu ka thianpa hian a star em em mai, inhmelhriatsa lawkna pawh nei miahlo, sport laia a hmuh hi ka bialnu tiin Sunday chawhnuah kan rim pui a. A lo inkhawm daih avangin kan lo nghaka, an chhungkua an polite in an milian chhungkua em em mai bawka. Thingpui te min luma kan veng leh hming te min zawta tha takin kan chhanga, kan thianpa chuan an fanu chu inti hre takin an inkawm tawh thu te a han hrilh a, fel min ti ve viau a ni.
Kan rim ber nula chu alo haw ta maw tih ah kan rimpuipa ber mai chuan “Ka va zung lawk ange” tiin min chhuahsan daiha, alo lut leh ta reng reng lo maia! In neitu te chuan an fanu hnenah chuan “Mami i inleng an nih kha, i sikul kal puite annia i hria em?” a ti a, a ni chuan min hre der mai silo kan zak bawk si, a hre bera lah a bo daih bawk si. Kan va zung ve lawk tihpahin kan haw nghal vang vang.
(4) Tukkhuma in hnek/kuk: Mi inrinloh laia tukhum vela in hnek hi pawl 6 zirlai khan kan ching em em a, vawikhat chu ka hawi let lai takin ka thianpa hian min hneka ka hnar ah tak min hneka a thi tha duh hle mai, zirtirtu ten amah an hrem a kan infiamna nuam tih ber an khap kha kan hlau leh si, dar a ri tawha a nat leh natloh pawh ngaihtuahlo in tui bucket in an va a reh nan ka lu ah an leih vak vak a. Mi kuk hrat ho kha chuan min bawisawm rang khawp mai....mak ve mai mai tak a ni :)
(5) Nu Dawngi kan chhaih kawlh: Zankhat chu kan thian ho in lenna tur kan hriatloh vangin Nu Dawngi te bathlarah zan rei tak Football khelh chungchang sawiin kan titi a. Nu Dawngi muhil theilo chuan “Zan a rei tawh haw tawh rawh u, kan muhil theilo” tiin min rawn hnawt darh a. Amah hi mi hauh a peih avangin kan ngei ve reng reng a, “Va kal leh ila bengchheng va siam vak ang u” tiin kan intiamruala. Rock-Band lem angin kei Lead guitarist, Lalkhawngaiha Singer, Hriatbawnga Drummer, Sena Base Guitarist, Lana leh midangin an duh duh part lo pe turin, rangva chhia kan keng bawk a. Ring mangkhengin an kawtah chuan tawng hriatlohin kan han rak tak tak maia, kawngkhar an rawn hawng thuaia kan tlan darh leh nghala. Kan let leh a angai ang bawkin kan ti leha, “ Kan mu theilo JAC kan ko dawn” anti a min um darh leh a.
A vawithumna ah chuan kan tlanchhiatna turah chuan, a fate pa thum (an awmlo amaw kan tih pa lian deuh deuh te) chuan tiang nen minlo hual reng maia, min man khawm taa, zan dar 1 velah sikul tualah min front roll tir zawhah min utawk sawh tir a chumi zawhah beng min suk tir leh bawk a, kan kut ah vawikhat theuh min vaw bawk a, kan haw darh ta chauh a ni. (ka mitthlaa cham hi video a chhuah ka chak ngei mai....lol)
(6) Mi zu ruk thuhruk pui leh ruk sak: Tui khawhthla kan tih mai thin lui reh leh nuam takah hian U Jacoba te hian zu an thlawr thina, keini naupang harh rual tawkvel inbual tura kal ho chu JAC lokal leh kalloh min chan tir thin a, tichuan kan ven rei dan a zirin No.1 min intir ve thin, thlawr hlim chu a lum pup a tlak vat vat tur an ti bawk sia ka in ve hleithei loa thianten ka share an in chuh laih laih thin. A tuitling kan thuhruk pui bawk a, zan lamah thianza hoin mawmbati leh a tuitling thlawrna tur nen tuikhawhthla chu inbual pahin kan pan leha, mi sawm rual dawn kan thawkchhuaka inbual pahin zu tuitling thuhruk chu kan hai leh thin. Chawngkawr a awm duh em em a a khur zen hmasa tu/a thal chhuak tu nih ka hlau thei khawp mai.
(7) Sama pu te theihai kan lo ru thin: Sama chu kan inkhelh pui thin kan thianpa tho kan kawm tam lemloh a ni. UPC Biak in hnung chiah ah hian a pu te hi an awm a, theihai kung an ngah em em a, kawngthlang lam atang seirawkherha perh an chin avangin an veng uluk hle. Zanah thian ho in UPC inkhawm laia lo ru tur in kan thawk chhuaka, khuang rik uar vanglai takin hmanhmawh takin kan lawn vat vat a, an tukverh hawng eng ruih mahse inkhawm zai tui lai chuan an hre ngailo reng reng. Zai a tawp veleh kan ngawi thap a, an zai tan veleh kan che leh vat vat thin.
Lawh ruk kan hrat em avangin a rah a lo tlem deuh hnu chuan kan in chuh ve deuha, anlo hre ru ve deuh tawh bawk nen, seirawkherh in a kunga kan lawn lai zan thim ah min han phek perh tak tak mai chu duham vanga lawn sang tak tak ho an rawn zuangthla sang thei sia an vanduai bik khawp mai, kan rak chel chul a kepawh ka pilh nasa a ni.
Ka thian thenkhat ten mual min liamsan a ka ngai em em hlawma, ala dam chhunte Kohhrana rawngbawltu trangkai tak tak an ni hian ka thinlung an ti hlim em em a ni. College ka kal laiin Evangelical Union in TNT tlawha thilpek kan hlan tumin ka thianpa Inpuaksutnaa min paw tu ngei mai chu Addict Home ah ka hmu hlawl maia, naupan lai chanchin kan sawia a hmuh laiin ka insum zo lo teuh kher mai...lol
(9) Pi Hnuni Arpui tui: Pi Hnuni arpui te hi an archhiar a lawi lovin an in hnuai, kan meizial zuk rukna ṭhin kawmkil ah hian an tui ṭhin a. Chu chu kan hmu fuh hlauh a, kan ak haw a amah Pi Hnuni hnenah bawk Rs 4 in kan hralh leh ṭhin(an tui regu phian lehnghal). Dawr nei anih avangin zozial tel 5 nen te kan thleng ṭhin a kan in sem leh den den zel, Pi Hnuni khan a hre ngailo reng reng…..haha…
(10) Sarzûk lawh: Ṭumkhat chu kan ṭhenawm te huan a sarzûk hi a rah hmin tuarh maia, a kung zar a buk tham avangin a rah pawh atama ral aṭang pawhin ei chakawm takin a sen tlep tuarh a. Ka ṭhiante pahnih chhun ah an lo leng a, kan tukverh aṭanga chu sarzûk rah chu an han hmuh chuan lawh ruk an rawt ta maia.
Keichuan ka ngam lova, a chhan chu a nei tupa in a veng uluk tih ka hria a, a thin a chhe bawk a, min hmuh vaih chuan min vawm nek duh ka ring a. Mahse ka ṭhiante chuan “Kan rawn chhukna lamah an kawngkhar kan hmu a a inkalh vek” an ti a, an in tukverh ka han en chuan a in khar tlat bawk avangin ka awih ve ta maia. Tichuan huan pal chu keu kau in kan lut ru ta a, keichu an ṭhenawm lawk aṭanga hmu fo tawh ka nih avangin a rah hmin tamna lam chu ka hre deuh a chuvangin ka lawn sang ber bawk a.
Thawklehkhat ah tukverh a rawn in hawng ta ṭhuaia, rang lutukin ka ṭhiante chu an zuang thlaa huan mawng lamah put chhuakin kan inhnuai lamah an tlan nghala. Keive chu ka lo lawn san avangin ka che tlai deuh a, a kung bul ah chuan ka bawk ran maia.
Ka ṭhiante chuan ral aṭangin a rawn hawi thlak leh thlak loh min lo signal a, a hawi loh veleh a tlan thlak ve ka inring reng a. Chutia a kung hlim hnuaia ka bawh run lai chuan “Bawk duh suhhhh…..i lang vekkkk… kal mai rawhhhh….” a rawn ti a. Ka zak lutuk a, kan ṭhenawm pa ni bawk si a ka la che duh chuang miah lova.
A khat tawkin a rawn ti reng lehnghala, ka hmel ala hmuhloh beiseiin ka la inthup ve ṭang ṭang a, midang chu ni ila ṭha takin ka tlan chhuak ang, kan ṭhenawm pa ni kher kher khan min ti che ngam lo a ni.
“Ka rawn perh dawn che nia aw” a tih paha a sairawkherh la tur ke pen thawm niawm ka hriat tak hnu ah chuan kawr lukhuhin chak lutuk in ka tlan chhuak ve ta a.
A dang tam tak pawh sawi tur ala awmnuala a tul dan angzelin ka la chhunzawm leh dawnia.
(1) Inpuak-sut: naupan zual lai (pawl 3 vel kal lai) chuan Inpuak-sut hi kan hrat em em maia, hmaiah ngei mai intlawh sak kan tum ber thin. Vawikhat chu ka thianpa kan miss fapa min paw tu hi mit duk vek khawpin an tlawha, a nu in a hauh hrep hnu ah a tukah phuba laknan tiin min paw tha leh ngat. Luhlul ve tak chu kan ni, Uniform a bal thei khawp mai
(2) Thawmhnaw in hawnsak: Lui kal a tui chen hi kan hrat em em maia, a cheng rei fal deuh kha chu an thawmhnaw hawnsak daih kha kan ching thin. Vawikhat chu ka thianpa nen hian kan lo cheng rei deuh a kan kekawr hi an lo hawn daih maia, kan thinrim viau a mahse tih ngaihna a awm tawh silo, kawr bantlawn ka lo ha hlauha, ka thianpa in T-shirt banbul a ha thunga. Kan kawr chu a ban ah ke rawlhin a kawngah kan bawka, thawmhnaw chhe duh khawp mai. Kawr ha lo in veng chhung kan han lut chho mai chu min min en duhin zahthlak duh tak a ni. In kan thlenga kan thawmhnaw chu chhungte hnenah kan theihnghilh anga sawiin an lo dah fel then zel.
(3) Nula rim naa in haw san: Vawikhat chu ka thianpa hian a star em em mai, inhmelhriatsa lawkna pawh nei miahlo, sport laia a hmuh hi ka bialnu tiin Sunday chawhnuah kan rim pui a. A lo inkhawm daih avangin kan lo nghaka, an chhungkua an polite in an milian chhungkua em em mai bawka. Thingpui te min luma kan veng leh hming te min zawta tha takin kan chhanga, kan thianpa chuan an fanu chu inti hre takin an inkawm tawh thu te a han hrilh a, fel min ti ve viau a ni.
Kan rim ber nula chu alo haw ta maw tih ah kan rimpuipa ber mai chuan “Ka va zung lawk ange” tiin min chhuahsan daiha, alo lut leh ta reng reng lo maia! In neitu te chuan an fanu hnenah chuan “Mami i inleng an nih kha, i sikul kal puite annia i hria em?” a ti a, a ni chuan min hre der mai silo kan zak bawk si, a hre bera lah a bo daih bawk si. Kan va zung ve lawk tihpahin kan haw nghal vang vang.
(4) Tukkhuma in hnek/kuk: Mi inrinloh laia tukhum vela in hnek hi pawl 6 zirlai khan kan ching em em a, vawikhat chu ka hawi let lai takin ka thianpa hian min hneka ka hnar ah tak min hneka a thi tha duh hle mai, zirtirtu ten amah an hrem a kan infiamna nuam tih ber an khap kha kan hlau leh si, dar a ri tawha a nat leh natloh pawh ngaihtuahlo in tui bucket in an va a reh nan ka lu ah an leih vak vak a. Mi kuk hrat ho kha chuan min bawisawm rang khawp mai....mak ve mai mai tak a ni :)
(5) Nu Dawngi kan chhaih kawlh: Zankhat chu kan thian ho in lenna tur kan hriatloh vangin Nu Dawngi te bathlarah zan rei tak Football khelh chungchang sawiin kan titi a. Nu Dawngi muhil theilo chuan “Zan a rei tawh haw tawh rawh u, kan muhil theilo” tiin min rawn hnawt darh a. Amah hi mi hauh a peih avangin kan ngei ve reng reng a, “Va kal leh ila bengchheng va siam vak ang u” tiin kan intiamruala. Rock-Band lem angin kei Lead guitarist, Lalkhawngaiha Singer, Hriatbawnga Drummer, Sena Base Guitarist, Lana leh midangin an duh duh part lo pe turin, rangva chhia kan keng bawk a. Ring mangkhengin an kawtah chuan tawng hriatlohin kan han rak tak tak maia, kawngkhar an rawn hawng thuaia kan tlan darh leh nghala. Kan let leh a angai ang bawkin kan ti leha, “ Kan mu theilo JAC kan ko dawn” anti a min um darh leh a.
A vawithumna ah chuan kan tlanchhiatna turah chuan, a fate pa thum (an awmlo amaw kan tih pa lian deuh deuh te) chuan tiang nen minlo hual reng maia, min man khawm taa, zan dar 1 velah sikul tualah min front roll tir zawhah min utawk sawh tir a chumi zawhah beng min suk tir leh bawk a, kan kut ah vawikhat theuh min vaw bawk a, kan haw darh ta chauh a ni. (ka mitthlaa cham hi video a chhuah ka chak ngei mai....lol)
(6) Mi zu ruk thuhruk pui leh ruk sak: Tui khawhthla kan tih mai thin lui reh leh nuam takah hian U Jacoba te hian zu an thlawr thina, keini naupang harh rual tawkvel inbual tura kal ho chu JAC lokal leh kalloh min chan tir thin a, tichuan kan ven rei dan a zirin No.1 min intir ve thin, thlawr hlim chu a lum pup a tlak vat vat tur an ti bawk sia ka in ve hleithei loa thianten ka share an in chuh laih laih thin. A tuitling kan thuhruk pui bawk a, zan lamah thianza hoin mawmbati leh a tuitling thlawrna tur nen tuikhawhthla chu inbual pahin kan pan leha, mi sawm rual dawn kan thawkchhuaka inbual pahin zu tuitling thuhruk chu kan hai leh thin. Chawngkawr a awm duh em em a a khur zen hmasa tu/a thal chhuak tu nih ka hlau thei khawp mai.
(7) Sama pu te theihai kan lo ru thin: Sama chu kan inkhelh pui thin kan thianpa tho kan kawm tam lemloh a ni. UPC Biak in hnung chiah ah hian a pu te hi an awm a, theihai kung an ngah em em a, kawngthlang lam atang seirawkherha perh an chin avangin an veng uluk hle. Zanah thian ho in UPC inkhawm laia lo ru tur in kan thawk chhuaka, khuang rik uar vanglai takin hmanhmawh takin kan lawn vat vat a, an tukverh hawng eng ruih mahse inkhawm zai tui lai chuan an hre ngailo reng reng. Zai a tawp veleh kan ngawi thap a, an zai tan veleh kan che leh vat vat thin.
Lawh ruk kan hrat em avangin a rah a lo tlem deuh hnu chuan kan in chuh ve deuha, anlo hre ru ve deuh tawh bawk nen, seirawkherh in a kunga kan lawn lai zan thim ah min han phek perh tak tak mai chu duham vanga lawn sang tak tak ho an rawn zuangthla sang thei sia an vanduai bik khawp mai, kan rak chel chul a kepawh ka pilh nasa a ni.
Ka thian thenkhat ten mual min liamsan a ka ngai em em hlawma, ala dam chhunte Kohhrana rawngbawltu trangkai tak tak an ni hian ka thinlung an ti hlim em em a ni. College ka kal laiin Evangelical Union in TNT tlawha thilpek kan hlan tumin ka thianpa Inpuaksutnaa min paw tu ngei mai chu Addict Home ah ka hmu hlawl maia, naupan lai chanchin kan sawia a hmuh laiin ka insum zo lo teuh kher mai...lol
(9) Pi Hnuni Arpui tui: Pi Hnuni arpui te hi an archhiar a lawi lovin an in hnuai, kan meizial zuk rukna ṭhin kawmkil ah hian an tui ṭhin a. Chu chu kan hmu fuh hlauh a, kan ak haw a amah Pi Hnuni hnenah bawk Rs 4 in kan hralh leh ṭhin(an tui regu phian lehnghal). Dawr nei anih avangin zozial tel 5 nen te kan thleng ṭhin a kan in sem leh den den zel, Pi Hnuni khan a hre ngailo reng reng…..haha…
(10) Sarzûk lawh: Ṭumkhat chu kan ṭhenawm te huan a sarzûk hi a rah hmin tuarh maia, a kung zar a buk tham avangin a rah pawh atama ral aṭang pawhin ei chakawm takin a sen tlep tuarh a. Ka ṭhiante pahnih chhun ah an lo leng a, kan tukverh aṭanga chu sarzûk rah chu an han hmuh chuan lawh ruk an rawt ta maia.
Keichuan ka ngam lova, a chhan chu a nei tupa in a veng uluk tih ka hria a, a thin a chhe bawk a, min hmuh vaih chuan min vawm nek duh ka ring a. Mahse ka ṭhiante chuan “Kan rawn chhukna lamah an kawngkhar kan hmu a a inkalh vek” an ti a, an in tukverh ka han en chuan a in khar tlat bawk avangin ka awih ve ta maia. Tichuan huan pal chu keu kau in kan lut ru ta a, keichu an ṭhenawm lawk aṭanga hmu fo tawh ka nih avangin a rah hmin tamna lam chu ka hre deuh a chuvangin ka lawn sang ber bawk a.
Thawklehkhat ah tukverh a rawn in hawng ta ṭhuaia, rang lutukin ka ṭhiante chu an zuang thlaa huan mawng lamah put chhuakin kan inhnuai lamah an tlan nghala. Keive chu ka lo lawn san avangin ka che tlai deuh a, a kung bul ah chuan ka bawk ran maia.
Ka ṭhiante chuan ral aṭangin a rawn hawi thlak leh thlak loh min lo signal a, a hawi loh veleh a tlan thlak ve ka inring reng a. Chutia a kung hlim hnuaia ka bawh run lai chuan “Bawk duh suhhhh…..i lang vekkkk… kal mai rawhhhh….” a rawn ti a. Ka zak lutuk a, kan ṭhenawm pa ni bawk si a ka la che duh chuang miah lova.
A khat tawkin a rawn ti reng lehnghala, ka hmel ala hmuhloh beiseiin ka la inthup ve ṭang ṭang a, midang chu ni ila ṭha takin ka tlan chhuak ang, kan ṭhenawm pa ni kher kher khan min ti che ngam lo a ni.
“Ka rawn perh dawn che nia aw” a tih paha a sairawkherh la tur ke pen thawm niawm ka hriat tak hnu ah chuan kawr lukhuhin chak lutuk in ka tlan chhuak ve ta a.
A dang tam tak pawh sawi tur ala awmnuala a tul dan angzelin ka la chhunzawm leh dawnia.
Bengvarthlak ngei mai! ngaihnawm bawk si! Naupanlai hi ngaihawm thei dawn khawp mai!
ReplyDelete